Nunap assinginut suliaqartarfik suua? Nunap assinginut suliaqartarfiit tassaavoq Tunngaviusumik nunap assinganut downloaderinissamut iserfissaq.

Tassanilu illoqarfinnut nunaqarfinnullu paasissutissat vektoriusut, ortofotot pdf-illu pissarsiarineqarsinnaapput.

Najugaqarfiunngitsunut nunap assingi pissarsiariniarukkit taakkua SDFR-mut ujartussavatit: https://dataforsyningen.dk/.
Paasissutissanik qanoq aallissaanga? Sinaani tulleriaagassatut ilitsersuut malillugu paasissutissanik aallertoqarsinnaavoq.

Siullermik nunap assinga sumiiffimmut kaajallatsissavat qanillisillugulu. Illoqarfiusinnaavoq/nunaqarfiusinnaavoq illuusinnaalluniluunniit.

Taava "Polygon titartaruk" tuussavat, nunap assinganilu killigitikkusutatit musi atorlugu titartassallugit. Naammassiguit dobbeltklikkissatit.

Tulliattullu suut ilanngukkusunnerlugit, suna formati perusunnerlugu kiisalu koordinatsystemi sorleq atorlugu paasissutissat perusunnerlugit toqqaassallutit.

Naggataatigut paasissutissat ilinnut attuumassusillit emailit ilanngullugu immersoqqussavagut.

E-mailip ilanngunneqarnissaa pingaaruteqartorujussuuvoq, taamaasiunngikkuimmi pissarsiarerusutat piareerpat saaffigineqanngitsuussagavit.
Paasissutissat sumut atoqqusaavakka? Nunap assinganut suliaqarfimmiit pissarsiatit sumulluunniit atorsinnaavatit. Atuinermut atugassarititaasut sukumiinerusumik uani atuarsinnaavatit.
Sukumiinerusumik paasisaqarnerusinnaavunga? Allattuiffinni ukunani paasissutissat pillugit atuaqqissinnaavutit:
Suussutsimut nassuiaat Tunngavisumik nunap assinga
Suussutsimut nassuiaat Ortofotoi
Sumiiffiit nalunaarsorneqarfiat
Saaffissaq Quppernermi kukkunernik takugaluaruit imaluunniit ikiuiniaruit Nunap assinganut suliaqarfimmut saaffiginnissinnaavutit kortbutik@asiaq.gl.